Compostaxe

A xestión dos residuos é un dos retos aos que se enfronta a nosa sociedade. Cada día, como consecuencia do noso modo de vida e das pautas de consumo, producimos unha maior cantidade de residuos, polo tanto, a aplicación de solucións e tratamentos axeitados e sostibles co medio ambiente dificúltase enormemente.

Cada un de nós xera aproximadamente 1,1 kg de residuos ao día, dos cales entre o 40-50% está constituído por biorresiduos   que se poden reciclar para obter compost, un abono natural e de calidade, con excelentes propiedades para o solo.

A compostaxe é unha acción de prevención de residuos de grande valor ambiental, xa que ofrece unha xestión da materia orgánica en orixe, reducindo así a cantidade de residuos que deben recollerse, transportarse e xestionarse en instalacións de tratamento co conseguinte aforro económico que supón.

Requisitos para poder compostar

Antes de colocar o nosos composto debemos buscar un lugar que reúna os seguintes requisitos:

• Un espazo axeitado na horta ou xardín.
• Un composteiro no que depositar os restos orgánicos.
• Restos de cociña restos de froitas, verduras, etc.).
• Restos do xardín e da horta (restos de poda, follas secas, céspede, etc.) .
• Un aireador (pincho, pa, etc.) para remover o compost.
• Unha pa para extraer o compost maduro.
• Auga para humedecer (se é preciso).

O composteiro permite manter as condicións adecuadas de temperatura e humidade para a  elaboración de compost, acelerando o proceso e evitando a entrada de pequenos animais que poidan alterar e contaminar o produto.

Cómo se composta

O primeiro é procurar un espazo axeitado para colocar o composteiro:

• Sempre  en  contacto  directo  co  solo,  para  que   os organismos descompoñedores teñan un fácil acceso ao interior do recipiente. Nunca sobre asfalto, cemento ou outro pavimento. Débese colocar unha base de ramas ou follas secas dun grosor de entre 10 e 15 cm., de maneira que facilitemos  a circulación de aire dentro  do  composteiro  e  evitemos  a compactación dos materiais recentemente  introducidos.  Recoméndase colocar unha malla metálica na base do composteiro para evitar a entrada de roedores.
• Nunha zona sombreada, ao abrigo do vento e protexida de cambios bruscos de temperatura e  de  humidade.  É aconsellable baixo as ramas dunha árbore de folla caduca para que estea protexido do sol en verán e reciba a incidencia dos raios de inverno.
• De fácil acceso e próximo a vivenda, por comodidade, e con suficiente espazo dispoñible para as tarefas a realizar.
• Unha vez situado no lugar adecuado, pódese comezar a depositar no recipiente os restos orgánicos o máis desmiuzados posible para favorecer a súa descomposición

Que residuos emprego para compostar

Para obter un bo compost precísanse restos orgánicos o máis variados posible., tales coma os restos de cociña:

• Restos de froitas e verduras, iogur, zumes, pousos de café e restos de infusións (sen grampas!),
• Osos de froitas, cascas de ovos, cascas de froitos secos, pan, pasta, panos e papel da cocina, cinzas e serrín de madeira non tratada, pelo e uñas, la e fío natural, tapóns de cortiza, restos de ceras e derivados,
• Restos de carne e peixe (os osos e as espiñas tardan en descompoñerse),

Restos de xardín e horta:

• Restos de poda, follas, flores, palla, céspede, material de xardín ou horta (sen pesticidas ou fito sanitarios),
• Esterco de animais de granxa ou curral (coellos, g aliñas, cabalo, etc.).
• Aceites vexetais e minerais.
• Excrementos humanos ou de animais domésticos carnívoros (cans, patos, etc.).
• Materiais inorgánicos   (metal, vidro, cabichas, plásticos, etc.).
• Papeis satinados ou con tintas de cor.

Pola contra debemos coidar o seguinte:

• Restos de carne e peixe: podemos compostalos en pequenas cantidades mesturándoos con materiais secos, xa que, en caso contrario poden atraer insectos e producir malos cheiros.
• Ósos , espinas e restos de marisco tardan máis tempo en descompoñerse.
• Cartón ondulado e o da caixa dos ovos: debemos cortalo en anacos antes de depositalo.
• Peles de cítricos en exceso crean acidez
• As cascas de froitos secos, é mellor queimalos na  cheminea e depositar as cinzas no composteiro.

Condicións para unha compostaxe óptima

Os principais responsables da descomposición da materia orgánica son os microorganismos, que precisan unhas condicións óptimas para vivir e desenvolver o proceso de compostaxe.

Hai unha serie de condicionantes que regulan o proceso e son indicadores do seu funcionamento: